Barnehagar og skular kan bestille bokkassar frå dei ulike biblioteka. Bøkene frå bokkassane kan til dømes brukast i leseprosjekt, som klassebibliotek eller i undervisninga. Bokkassane vert gjort klare i biblioteket, men må hentast og leverast tilbake av barnehagen eller skulen sjølv. Lånetida for bokkassar er 3 månader. For å bestille bokkasse, kontakt biblioteket ditt.
Treng du fleire eksemplar av same boka, til dømes til ein klasse, kan du bestille klassesett. Bibliotekutvikling Vestland låner ut klassesett til grunnskulane i fylket. Samlingane er fysisk plasserte i Førde, og vert lånt ut til alle grunnskulane i Vestland fylke utanom Bergen. Du kan lese meir om lånereglar og korleis du kan bestille klassesett på Vestland fylkeskommune sin nettstad.